分享至微博
分享至 Facebook
列印

張家輝幹探魔警精神分裂

01 - 12 07:01
張家輝(右)與吳廷燁(左)同拍押送蒙頭犯人戲。
張家輝(右)與吳廷燁(左)同拍押送蒙頭犯人戲。
1 / 5

張家輝幹探魔警精神分裂

【東方日報專訊】張家輝自榮升「張七帝」後冇停手,電影一部接一部,近日還兩部電影疊住拍,令他不勝負荷自言面臨人格分裂邊緣!前晚他在佐敦拍攝掃毒戲份,吸引大批市民圍觀,更有師奶讚家輝型仔,惟身形略瘦。

三大型男「探員」張家輝、劉青雲與古天樂前晚為寰宇新片《變役》在佐敦街頭取景,大批街坊圍觀,有市民不斷以手機拍照,工作人員要不厭其煩阻止,令拍攝進度稍為受阻。坐於車廂中的家輝手拿長鏡,拍攝一場偷拍目標戲份,有圍觀師奶離遠見狀與同行友人說:「咦,影帝張家輝喎!幾型仔,不過真人就瘦咗啲!」

5月後才動手術

一臉疲態的家輝甚少發言,只偶與導演陳木勝研究角色,原來近日他同時接拍林超賢新片《魔警》,因兩片角色不一,令其精神狀態到達極點,家輝說:「有十幾年冇試過同時疊戲,角色仲要落差大,呢部戲係正義警察,嗰部就要殺人放火,都真係搞到人格分裂呀!好辛苦,但冇辦法啦,咁啱個期撞到正,下次都盡可能唔好咁樣,頂唔住啦!(有市民話你瘦。)因為之前套戲要keep fit,但我唔想咁短時間谷番肥,咁唔健康,等體重慢慢回復正常囉。」

早前家輝拍《魔》片傷及手指尾導致骨頭畸形,他無奈表示只能開刀做手術,惟手術後傷口要打石膏兩星期,故預計待5月完成兩片才能行動。

後悔畀老婆復出

早前本報拍得家輝揸260萬辣跑載7歲女兒Brittany到遊樂場玩耍,他笑指近日與太太關詠荷均忙於開工,故趁有空檔便當廿四孝父親陪女:「個女都詐型o架!話我哋成日都要做嘢,所以都有少少後悔畀太太返去TVB拍劇,不過都知道佢想過戲癮,又同好朋友歐陽震華一齊拍,應該幾好玩嘅!」

文:影視組

分享至微博
分享至 Facebook
列印
新浪推介